尋日同今日都唔係咁開心~~唉...有冇搞錯丫~~

都唔知做乜野，M同事做錯咁多野，啊總都成日幫住佢，究竟發生咩事丫....

今日睇場地.......唉...一獲粥～～

乜唔係啲野一早傾好晒架咩？點解成日都傾過啲野？之前講好左要求佢set一張枱俾我地睇，去到係冇既！同事要測試啲音響，人地會場啲人話冇通知佢地！！！你想點丫！你點約人試場地架！！～仲要累我俾人鬧，你都可以若冇其事，你有冇少少唔好意思架？！明明係你責任，你好似冇野咁，我俾你搞到我俾人鬧你仲要係度和應，你有冇搞錯丫！啊總係度你就落晒力咁係度幫手，平時啊總唔係度，腳都唔願郁一下，你有冇再假啲丫！你講野同你啲行為係完全脫鉤架！你係咪精神分裂丫？咩叫同心丫？叫咩憑良心講誠實話丫？咩叫溫柔忍耐丫？你係咪想試下大家既容忍度丫？定係想訓練下我地既急才丫？？？仲有係丫，我食飯夾個舊咕嚕肉係唔用公筷架啦～都最後一舊用咩公筷丫？駛唔駛係咁講丫，我其他個啲有用咪得咯，成日小事化大，你有病係咁咳唔戴口罩周圍傳染個陣，我係咪應該叫你戴返個面具丫？仲有唔該你唔好一得閒，自己冇野做就叫人開會啦，都唔合宜架做啲野，我趕住啲野要整，你就叫我開會，開會又講癈話，兩個人有咩會好開丫？？駛唔駛一個星期要一開一次會丫？你唔係好busy架咩，busy到食唔到早餐食唔到lunch之餘就連一啖水都飲唔到，仲要busy到lunch冇得食要買個包返黎好慘咁。你唔好同我講野丫！

今晚去左淘大個間椰林閣食野..因為減肥關係所以只食個沙律，加餐包湯個啲...由於太難食既關係，碗湯只係飲左幾啖.....本身諗住買鞋因為對鞋爛左...但係有啲累都冇買到....

搞笑同事話會煲糖水，哈哈～掂唔掂架？會唔會好難飲架？？？唉...不過都有需要，呢排大家都燥底～